ايجى 2030 /
36 شهرا من المشاكل والخلافات بين الزوجين بسبب الوان الملابس انتهت الزيجة بالطلاق.. لم تكن تدرى أمينة الفتاة العشرينية انها ستقع ضحية زوج يفتعل المشاكل لأتفه الاسباب بسبب العلاقة الزوجية .. “طلقني علشان ما لبستش اللون الأصفر كنت عايشة بالنهار مع شخصية وبالليل مع واحد تاني خالص” .. بهذه الكلمات بدأت أمينة سرد حكايتها قالت : جوزى يتعامل معى طوال اليوم عادى زي أي اتنين متجوزين، ويتغير حاله فى وقت الليل وتبدأ المشاكل بينا على الوان ملابسي أو على أشياء في علاقتنا الحميمية.
وتابعت : تعرفت على زوجى اثناء صعودى فى الاسانسير أثناء عملى في إحدى الشركات حيث كان يعمل في شركة أخرى في ذات البرج المتواجد فيه محل عملى، وظلت المقابلة مدة شهر ونصف الشهر يوميا صباحا ومساء، حتى أنني كنت أحيانا أتحجج وأنتظر موعد خروجه حتى أراه إلى أن طلب التقدم للزواج منى.
وأضافت : بعد 3 شهور كانت حفلة خطوبتي، وفضلنا نجهز شقتنا سنتين ونصف، وكانت أحلى شقة وكان بينا حب محصلش بصراحة، هو عصبي شوية بس كانت الامور بتمشي، وكنا أخدنا على بعض جدا وأتجوزنا”.
وتستكمل أمنية : بعد سنة جواز مفكرناش في أننا نخلف أطفال وقولنا نأجل شوية علشان الظروف وعلشان نبقى مستقبلنا صح قبل ما نجيب أطفال، وكانت الأيام عادية بينا وحصلت أول مشكلة بينا حين طلب مني ممارسة بعض الافعال الشاذة أثناء العلاقة الحميمية وكنت برفض بعضها وبوافق على البعض الأخر.
تتابع أمنية : بدات المشاكل تعرف طريقها للبيت كان بيتخانف على ألوان ملابسي الداخلية أثناء علاقتنا الحميمية، كان بيحب اللون الأصفر والأسود وبيطلب ديما أني ما اشتريش غيرهم، وأنا كنت بحاول أغير علشان أرضيه، ويارتني كنت وافقت على الألوان وارتحت.
وقالت امينة : آخر خناقة بينا كانت غريبة ومش شايفة أنها سبب يعني أني أطلق علشانه بس هو طلقني وقت عصبية وحاول يرجعلى بس خلاص أنا مش موافقة أعيش مع راجل ممكن يهد بيته علشان لون الملابس .
وعن يوم الطلاق قالت : دخلنا غرفة النوم عادى زي أي يوم وكنت لابسة ملابس لونها أزرق، وهو قالي مش أنا قولت ألبسي الأصفر، قولتله أصل الهدوم بتتغسل قالي أنا ماليش دعوة، وفضل يقولى انتي مش بتحبيني زي الأول و اتغيرتي قولتله خلاص كده الهدوم مش بتفضل لكن فضل يزعق فيا قولتله أنت اتجننت قالي يعني انتي شايفاني مجنون طيب انتي طالق وبلاش تعيشي مع واحد مجنون.
