ايجى ٢٠٣٠ /
ردت الفنانة المصرية الشهيرة أيتن عامر على الانتقادات التي واجهتها بسبب دورها في المسلسل الخليجي “زوجة واحدة لا تكفي” الذي أثار غضب الجمهور، وعرض بموسم دراما رمضان 2024.
وفي مقطع فيديو، ظهرت أيتن عامر وهي ترد على سؤال وجه إليها من قبل أحد متابعيها جاء فيه: “ليه مُصرين تظهروا الشعب المصري كله شارع الهرم؟” على حد وصفه.
وأوضحت الفنانة أيتن عامر قائلة: “أنا عايزة أرد عليك بحاجة بسيطة جدا، انتوا بتقولولي انتي رقصتي في مشهد في رمضان، وكنت لابسة بنطلون وتيشرت طويل ورابطة حاجة على وسطي.. فيه ناس كانوا بيرقصوا في مسلسلات مصرية، أنتوا مهجمتهمش ولأنهم زملاء أنا مش هقدر أهاجمهم برضو”.
وأضافت: “كانوا لابسين لبس من وجهة نظري أنه أوفر (أكثر) عن اللي كنت عملاه.. احنا كنا عملينه بشكل كوميدي، بنرقص فوق السطوح، ومدرسة وزملائها مدرسات مبيعرفوش يرقصوا، هي بتعلمهم الرقص”، مردفة: “إحنا عندنا نماذج مصرية للسيدات المصريات أسوأ وأوحش بكتير من النموذج اللي أنا قدمته في المسلسل الخليجي، مشكلة إن أنا قدمت المشهد ده في مسلسل خليجي، يعني الخلايجة مبيتفرجوش على المسلسلات المصرية اللي بنطلع فيها الستات أوحش من “كاميليا” بكتير”.
واستطردت: “يعني الوطن العربي كله مبيتفرجش على مسلسلاتنا المصرية اللي بنطلع فيها السيدات بصورة أسوأ بكتير وانتوا عارفين أنا بتكلم على أنهي مسلسلات، زعلانين ليه أني طلعت أمثل في مسلسل بطولة الوطن العربي كله.. إيه النموذج اللي أنا قدمته وحش عن الست؟ إن هي متجوزة راجل متجوز تلاتة، هي دي أنا معملتهاش في الزوجة الرابعة، معملتهاش في الزوجة التانية، قبلنا معملوهاش 5 آلاف مرة زي الحاج متولي؟ وكذا مسلسل تاني لمصطفى شعبان، اشمعنا أنا دوري اللي أساء للمرأة المصرية؟”
