ايجى 2030 /
على الرغم من مرور عامين على الواقعة، لكن مستخدمي فيسبوك ووسائل التواصل الاجتماعي في مصر ما زالوا يتداولون عاما بعد الذي يليه فيديو للرئيس عبد الفتاح السيسي وهو يتفقد أحد الأكمنة الشرطية وقت الإفطار في رمضان ويتناول وجبة الإفطار مع عدد من المجندين من قوات التأمين الشرطية.
لم تتوقف جولة الرئيس السيسي عند الإفطار والتفقد فقط، لكنه فتح حوارا مع المجندين في جميع مناحي الحياة التي تخصهم، واندرج معهم في الحديث إلى جوانب شخصية لتحفيزهم على ضرورة وحب ما يقدموه في مهمتهم، وإرشادهم ببعض النصائح للمحافظة على ما يكسبون من أموال والمحافظة على صحتهم في فترة الشباب.
وبعد أن وزع الرئيس السيسي الوجبات على المجندين بنفسه، وأشار إلى المبتعدين عن المائدة بالاقتراب منه “يلا تعالى”، “هات الراجل اللي ورا ده يفطر”، و”نادي يا بني زميلك اللي ورا ده يفطر”، حتى حاوطه الضباط والمجندون على المائدة التي بُسطت على الكبوت الأمامي لإحدى سيارات الشرطة، وبدأ الرئيس متحدثا بود وأخوية مع المجندين والضباط، موجها رسائل هامة لهم.
لأحد المجندين: وقفتك دي مش ببلاش وثوابها عند ربنا كبير
بدأ الرئيس موجها حديثه إلى المجندين “محدش عايز يقولي حاجة”، ليرد أحدهم “اتبسطت لما شوفتك ياريس”، فأجاب السيسي: “وأنا سعيد إني شوفتكم، وخلو بالكم وقفتكم دي حاجة كبيرة، إوعى تكون فاكر ان انت بتعمل حاجة سهلة أو صغيرة، الناس اللي ماشية في الشارع دي مطمنة بيكم.”
وتابع السيسي: “إنت هنا واقف بتأمن الناس، ودي حاجة كبيرة وثوابها كبير عند ربنا.. وقفتك هنا مش ببلاش، الناس عايشة في سلام بيكم، وقاعدة في بيوتها بتاكل وتشرب متطمنة بيكم”.
رسالة خاصة لأهل الفيوم
في معرض حديثه مع المجندين، سأل الرئيس السيسي أحدهم: “كلكم من الفيوم؟”، ثم تابع الرئيس متحدثا عن أبناء محافظة شمال الصعيد “إنتو عارفين إن الفيومية دول ناس كويسة جدا.. وناس بتاعة شغل وبتحب تجري على أكل عيشها.”
وتابع الرئيس ممتدحا أهل الفيوم: “فيه ناس من المحافظات بيبقوا كده باينين، والناس بتوع الفيوم أكتر ناس بتجري على الشغل وعلى معايشها، وكمان عندهم ميزة إنهم من المحافظات القريبة من القاهرة”.
اشتغل كتير في شبابك.. هترتاح بعدين
سأل الرئيس السيسي أحد المجندين: “إنت بتشتغل إيه؟”، ليرد المجند: “على دراعي يا ريس”، فقال له الرئيس السيسي: “بتشتغل عامل يعني.. دي حاجة كويسة طبعا.. بتكسب كام في اليوم؟ المجند: “100 جنيه”، وبتشتغل كام يوم في الأسبوع: “5 أيام ياريس.”
وقال الرئيس السيسي موجها نصائحه للمجند: “يومين راحة في الأسبوع كتير جدا لشاب في سنك، لو تقدر تنزل تشتغل 7 أيام اشتغل 7 أيام، هتكسب فلوس أحسن في شبابك والراحة هتيجي بعدين، 7 أيام يعني هتكسب 3 آلاف جنيه في الشهر، علشان كده بقولك للو تقدر تشتغل أكتر اشتغل علشان تعرف تبني مستقبلك كويس، اللي عايز يعمل مستقبل كويس وعنده شغل 7 أيام ييجي يشتغل.”
رسالة للمدخنين: إنت أولى بصحتك وفلوسك
توجه الرئيس السيسي باسما إلى الجنود قائلا: “مين هنا بيشرب سجاير” ليرد أحدهم بالإيجاب، وهنا ضحك الرئيس السيسي غير معنف للجنود، وحاول توجيه النصح لهم بطريقة حسنة فقال له: “دا رمضان وكل سنة وانتو طيبين، فرصة للواحد اللي بيدخن انه يبطل سجاير.. انت أولى بالجنيه وأولى بصحتك.”
وأصاف: “انت شاب صغير وبكره لما تكبر هتعرف إن السجاير دي مش كويسة”، ثم سأل الرئيس: “مين تاني بيدخن من الضباط؟”.
رسالة الرئيس لصناع دراما رمضان
بعد أن وجه الرئيس سؤاله للضباط عن التدخين، ضحك قائلا: “جايبينكوا في المسلسلات كلكم ماسكين سجاير سجاير سجاير، كل الضباط في المسلسلات بيدخنوا”، ثم سأل مستنكرا: يعني هو ظابط الشرطة علشان يشتغل لازم يشرب سجاير؟ يعني معنى إنه هو بيشتغل لازم يشرب سجاير.. لا أنا بكلمكم كلام حقيقي، ربنا يعينك على الإقلاع عن التدخين.. يلا كملوا أكلكم يلا؟”.
وعلى الرغم من أن الفيديو مر عليه عامان، لكنه بات في اليومين الأولين من شهر رمضان المعظم، الأكثر تناولا بين مستخدمي فيسبوك، مع التعليقات التي أثنت على موقف الرئيس وحديثه مع المجندين، والذي اتسم بالمودة والتحفيز والنصح والتشجيع ورفع الروح المعنوية للمجندين.
