ايجى 2030 /
يا أمـــاااااااااااه
*******************
لسه صورتك يامه
نور في قلبي
وضي عيني بتعشقه
لسه طيبتك يامه
شفا جروحي
وزاد تسامحي
أتقوي بيه وأفرقه
******************
لساكي يامه
ضحكة في عز الوجع
لساكي راضية حامدة
وحنانك وسع
*********
يامه أجيب لمين الشال
والجلابية السمره
لما يهل مارس
يامه كنتي النور
وبعدك..
عمري دامس
*******
يامه أغسل فين همومي ؟
ومين هايدعي لي
وينتظر قدومي ؟
“كله من عند ربنا يابني”
حكمتك..
بلسم آلامي
وحصن يومي
***********
يامصطبة بيتنا
كان عصرك بنور
يالمة الصالة
وحضن عيال بتكبر
يادعوة ساعة السفر
ومع كل آدان تكبر
*******
كل حاجتك يامه عايشه
بتجري في عروقي
وبعدك..
الدنيا أصغر..
**************
