ايجى 2030 /
معرض القاهرة الدولي للكتاب
بتستعد وزارة الثقافة، لانطلاق اليوبيل الذهبى لمعرض القاهرة الدولى للكتاب، فى دورته الـ 50، اللي هيحصل في القاهرة من يوم 23 يناير، فى التجمع الخامس، وهتحل جامعة الدول العربية ضيف شرف المعرض، كمان تم اختيار ثروت عكاشة وسهير القلماوى شخصيتين المعرض السنة دي.
مهرجان المسرح العربي
بتجهز وزارة الثقافة مهرجان المسرح العربى فى الدورة 11 خلال الفترة من 10-16 يناير 2019، واللي بتستضيفها مصر، وهنشوف في المهرجان ده مجموعة مهمة من العروض من كل العالم العربي.
بينالي القاهرة الدولي للفنون
وزارة الثقافة هتقدم لنا بينالى القاهرة الدولى، فى أبريل 2019، تحت عنوان “نحو الشرق”، وهو معرض شامل لكل أنواع الفنون التشكيلية “نحت – تصوير – فوتوغرافيا – جرافيك – فيديو – أعمال مركبة – المجسمات.
جوائز الدولة 2018 و2019
كمان بتسعد وزارة الثقافة، للاحتفال بالمبدعين والفنانين والأدباء اللي هيحصلوا على جوائز الدولة لعام 2018 و2019، ومن المقرر أن تقام الاحتفالية خلال شهر يونيو الجاي، بالمجلس الأعلى للثقافة، وهتنقسم جوائز الدولة، إلى جائزة النيل للعرب، وجائزة النيل، وجائزة التفوق، وجائزة التقديرية، وجائزة التشجيعية.
العام الثقافي المصري الفرنسي
وزارة الثقافة أعلنت كمان عن خطتها على مدار العام الجديد، للاحتفال بعام الثقافة المصرى الفرنسى خلال عام 2019، بتتمثل أهمها فى إنتاج عرض باليه مشترك بين دار الأوبرا المصرية وأوبرا باريس كإنتاج مشترك بين المعهد الفرنسى وأوبرا القاهرة، كمان تقديم عرض فنى من دار الأوبرا المصرية فى باريس على هامش زيارة الرئيس المصري لدولة فرنسا لافتتاح معرض توت عنخ أمون فى مارس الجاي، كمان من المقرر اختيار فرنسا ضيف شرف سيمبوزيزم النحت الدولى بمدينة أسوان.
