ايجى 2030 /
كشف النجم تامر حسنى عن السر وراء خوضه تجربة الإنتاج الموسيقى، حيث أنتجت شركته الخاصة ألبومه الجديد “عيش بشوقك”، مؤكدا أن السبب كان لرغبته فى إحداث نقلة نوعية فى الموسيقى بمصر والوطن العربى.
وأضاف حسنى فى بيان نشره على صفحته بموقع فيس بوك، أن ما يفعله حاليا هو واجبه نحو جمهوره الذى يتمتع بإدراكه الكبير بحكم تطلعه على الموسيقى العالمية، لذا كان عليه أن يبذل المزيد من الجهد ليقدم فن راقى يكون واجهة مشرفة لمصر والوطن العربى.
وأكد تامر فى بيانه، أن هناك جنود مجهوله وراء نجاحه وهم أفراد شركته الذى وصفهم بـ “خلية النحل”، معلنا عن تحضيره لمفاجأة لهم ردا على مجهودهم العظيم.
نص البيان….
من قلبى لمن يهمه الأمر، اتسألت كتير السؤال ده (انت ليه انتجت؟)
الحقيقه من وجهة نظرى المتواضعه كان لازم يكون فى نقلة نوعية فى الموسيقى فى مصر والوطن العربى عشان الجمهور يستحق مننا كده.
وبحكم تطلعه وإدراكه الكبير بالموسيقى العالمية، الجمهور يستحق مننا أننا نتعب أكتر عشانه بفن راقى يستحق أن يكون واجهة موسيقية مشرفة لبلدنا ووطنا وتانة حاجه بحكم أنى فنان أنعم الله عليا والحمدلله بمكانة دولية كبيرة فى قلوب جماهيرى فى بلدى مصر وجميع بلاد الوطن العربى والمغتربين فى جميع أنحاء العالم وبعض الجماهير الأجنبية التى تتابعنى كان لازم اتعب كده عشان (التعب على قد المكانه).
مش قادر أوصفلكم فرحتى بردود أفعالكم الجميله على تعبى وتعب شركتى.
والنجاح ده وراه خلية نحل كبيره بجد أبطال وأنا هشكرهم بطريقتى الفتره الجايه بس مش عايز أحرق هعمل إيه بس اللى عايزكم تعرفوه أن والله والله والله الشركة دى كلها شغالة من غير ولا عقد ورقى.
ولكن عقدنا الوحيد ووعدنا الوحيد هو الحب والإخلاص اللى فى قلوبنا لبعض.
